Desensinar para desaprender

Asisto por traballo (un inicio digno de Rabudo) á inauguración da xornada Mulleres e Poderes. Reflexión sobre o liderado de mulleres, coa presenza de Anxo Quintana e as dúas conselleiras do BNG. O lema do encontro é unha frase de Gloria Steinem que me retrotrae a La Bola de Cristal (Lolo Rico non daba puntada sen fío): "O noso desafío básico non é aprender, é desaprender os vellos paradigmas".

Un deses "vellos paradigmas" é o que prohibe preguntarlle a idade a unha muller (dos homes non di nada). Lembreino porque, tras repasar a documentación, advertín que só a biografía dunha das nove ponentes, a de Lidia Senra, inclúe a súa data de nacemento... Pasaría isto se os conferenciantes fosen homes?