Prestige: Ano III (Looking back in anger)

"Onde non pasa nada" foi unha modesta colaboración con aquel proxecto colectivo titulado H2Oil. O debuxo -grande, coma sempre- é do excelso Javi Montes...

A historia, non podía ser doutro xeito, está inspirada en feitos reais acontecidos nunha cidade onde, polo visto (polo oído, polo leído...), non acontecía nada nos meses seguintes a aquel 13-N... Non hai unha pinga de invención nas palabras do mariñeiro. Escoiteinas todas de boca de diferentes responsables da confraría coruñesa (persoas, por certo, de adscripicón ideolóxica non só distinta, senón mesmo oposta) ó longo daquela crise... A ficción, se existe, só aparece na viñeta final... E iso, aínda poderiamos discutilo...