Their last tour? Naaa...!

E falando de punk (xa sen cyber), que grande concerto deron o sábado á noite no Multiusos os Toy Dolls... Olga e compañía son un grupo de debuxos animados... antes, Glen Matlock (o baixista dos Sex Pistols que si sabía tocar) deixounos himnos como "God save the Queen" ou "Pretty Vacant"... é o máis preto que imos estar deles, a menos que se lles ocurra facer outra xira do lucro indecente... O propio Olga estaba alucinando ante a posibilidade de compartir escenario cun dos seus ídolos... A camisa de orquestra de Matlock, o pique dun dos guitarristas co público (o de "Idiot", "Idiot", cantoullo en exclusiva a un tipo que lle tirara priva pouco antes...) e a semellanza do outro con Paul Simonon son cousas que non pasaron desapercibidas na maior concentración de camisetas dos Ramones que lembro en moito tempo... Os primeiros en subir ó escenario foron Dakidarría, que marcharon ó grande, cun sonoro "Mecagondiós!!!" e botando a correr... As versións discrepaban... no baño (dos tíos) dicíase que un espabilao subira a mangarlles unha guitarra mentres estaban co bis (e que ía facer con ela? escondela na chupa?), pero na barra comentaban que os músicos se cabrearon cando alguén quixo subir e os de seguridade lle arrearon... "Pois si que vai ser complicado o teu curro", díxome un dos colegas... Queríao ver eu a este casando as visións de patronal e sindicatos (ou goberno e oposición) tras dun encontro bilateral a porta pechada... Ha!